Xacobu I d'Inglaterra y VI d'Escocia

Xacobu I d'Inglaterra y VI d'Escocia
monarca d'Inglaterra
Monarca de Irlanda (es)
rei d'Escocia
Duque de Rothesay
Vida
Nacimientu	Castillo de Edimburgo (es) , 19 de xunu de 1566
Nacionalidá	Reinu d'Escocia ; Reinu d'Inglaterra ; Reinu d'Irlanda
Residencia	Castillo de Stirling (es)
Llingua materna	escocés
Muerte	Theobalds House (en) , 27 de marzu de 1625 (xul.) (58 años)
Sepultura	Abadía de Westminster
Causa de la muerte	Disentería
Familia
Padre	Enrique Estuardo, Lord Darnley
Madre	María I d'Escocia
Casáu con	Ana de Dinamarca (1589 – m. 1619)
Fíos/es	Enrique Estuardo (es) ; Isabel Estuardo (es) ; Margaret Stuart; Carlos I d'Inglaterra; Robert Stuart, Duke of Kintyre (es) ; Mary Stuart (es) ; Sophia of England (en) ; unnamed son Stuart (en) ; unnamed son Stuart (en)
Hermanos/es	stillborn twin Hepburn (en) ; stillborn twin Hepburn (en)
Pueblu	Casa d'Estuardu
Estudios
Estudios	tutor
Llingües falaes	escocés; inglés
Alumnu de	George Buchanan; Peter Young; Adam Erskine (en) ; David Erskine, Commendator of Dryburgh (es)
Oficiu	poeta, escritor, monarca, aristócrata
Llugares de trabayu	Edimburgu y Londres
Trabayos destacaos	Demonologia al completo (es) ; The True Law of Free Monarchies (en) ; Basilikon Doron (es) ; Some Reulis and Cautelis to be observit and eschewit in Scottis poesie (en) ; De jure regni apud Scotos (en)
Premios	ver caballero de la Orden de la Jarretera ;
Creencies
Relixón	anglicanismu; Ilesia d'Escocia

Xacobu Carlos Estuardo^[4] (n'inglés James I of England and James VI of Scotland; Edimburgu, 19 de xunu de 1566 – Theobalds House, 27 de marzu de 1625) foi rei d'Escocia como Xacobu VI dende'l 24 de xunetu de 1567 hasta la so muerte, y rei d'Inglaterra ya Irlanda como Xacobu I dende'l 24 de marzu de 1603 hasta la so muerte.

Fíu de María Estuardo, foi proclamáu rei con un añu d'edá. Una serie de rexentes gobernaron nel so nome y llucharon pol poder mientres la so minoría d'edá, hasta qu'ésta terminó oficialmente en 1578. Sicasí, nun llogró'l verdaderu control del aparatu del Estáu hasta 1581.^[5] En 1603 asocedió nel tronu d'Inglaterra ya Irlanda a la postrera Tudor, Sabela I, que morrió ensin descendencia.^[6] Rixó conxuntamente Inglaterra, Escocia ya Irlanda per espaciu de 22 años, hasta la so muerte a los 58.^[7]

Anque gobernó con aciertu n'Escocia, atopóse con grandes dificultaes n'Inglaterra,^[8] incluyendo'l célebre Intriga de la Pólvora en 1605 y socesivos conflictos col Parllamentu, que-y yera contrariu, especialmente no referente al aumentu d'impuestos. D'alcuerdu a una tradición historiográfica empecipiada a mediaos del sieglu XVII, la política absolutista de Xacobu, la so irresponsabilidá financiera y los favores daos a favoritos impopulares sentaron les bases de la Guerra Civil Inglesa, mientres la cual foi enxuiciáu y executáu el so fíu y socesor, Carlos I.^[9] Sicasí, en vida del monarca, la situación política d'Inglaterra y d'Escocia foi relativamente estable, y los historiadores contemporáneos consideren a Xacobu un soberanu intelixente y reflexivo.^[10] Mientres el so llargu reináu caltúvose la paz con España, volviendo a entamar les hostilidaes el so fíu y socesor Carlos.

A lo llargo de la so vida Xacobu tuvo rellaciones tan estreches colos homes de la so corte, que munchos historiadores especularon y aldericaron con vagar sobre la so orientación sexual:

La evidencia de la so correspondencia y los testimonios contemporáneos llevaron a dellos historiadores a concluyir que Xacobu I yera homosexual o bisexual. Pero, ello ye que esta conclusión nun ta clara.

^[11]

El postreru de los sos favoritos, el Duque de Buckingham, tamién sería'l protexíu del so fíu.

Mientres el so reináu siguió la "Era Dorada" del drama y la lliteratura isabelinos, con grandes escritores como William Shakespeare, John Donne, Ben Jonson y Francis Bacon, a los que'l Rei patrocinó, contribuyendo al florecimientu cultural.^[12] Apasionáu pola teoloxía, el Rei ordenó la traducción de la Biblia que lleva'l so nome, la King James, y ye la oficial de la Ilesia Anglicana. Probablemente enxamás hubo tal concentración de talentu lliterario sol patronalgu de la Corona inglesa. El mesmu Xacobu yera un eruditu de considerable talentu, autor de poesíes, traducciones y un tratáu sobre poesía, según obres condergando la bruxería y el tabacu (Daemonologie [1597]^[13] y A Counterblaste to Tobacco [1604]), meditaciones y comentarios sobre les Sagraes Escritures, obres de teoría política (The True Law of Free Monarchies [1598] y Basilikon Doron [1599]) y, poques gracies, discursos pal Parllamentu. Sir Anthony Weldon afirmó que Xacobu fuera llamáu "el bobu más sabiu de la Cristiandá", y dende entós acomuñóse l'epítetu a esti monarca.^[14]

↑ «RKDartists» (neerlandés). Consultáu'l 15 setiembre 2022.
↑ ^2,0 ^2,1 ^2,2 Afirmao en: Kindred Britain.
↑ ^3,0 ^3,1 ^3,2 ^3,3 ^3,4 ^3,5 Afirmao en: The Peerage. Llingua de la obra o nome: inglés. Autor: Darryl Lundy.
↑ James Charles Stuart; el nome James traduzse al asturianu como Xacobu, Xaime, Iago o Santiago. Nel casu de los reis d'Escocia ya Inglaterra que llevaron esi nome traduzse como Xacobu.
↑ Stewart, p. 47; Croft, p. 16; Willson, páxs. 29–31.
↑ Los derechos de Xacobu al tronu inglés, como bisnietu d'Enrique VII, yeren con mui superiores a los de cualesquier otru. Sicasí, por voluntá d'Enrique VIII dexárase de llau a la llinia escocesa de la so hermana Margarita en favor de la so hermana menor, María Tudor. Stewart, páxs. 159–161; Willson, páxs. 138–141.
↑ Tres la unión personal de los trés corones, Xacobu foi'l primeru en pretender titulase Rei de Gran Bretaña, atopándose cola oposición de los parllamentos d'Inglaterra y Escocia, que consideraben el títulu carente de tradición y base llegal. Croft, p. 67; Willson, páxs. 249–52.
↑ Pa un sumariu de les distintes interpretaciones que fixeron los historiadores de los reinaos de Xacobu n'Escocia ya Inglaterra, convien consultar la introducción de la obra King James, de Pauline Croft. Les investigaciones más recién punxeron énfasis nos ésitos de Xacobu n'Escocia, anque inclusive a esti respectu hai disconformes, como Michael Lynch. Tamién hai un enclín a valorar más los ésitos de Xacobu nos empiezos del so reináu n'Inglaterra. Croft, pp 1–9.
↑ Mientres los últimos trés sieglos, la reputación de Xacobu sufrió por causa de les acedes descripciones que d'él fixo Sir Anthony Weldon, al que Xacobu despidiera del so serviciu, que se dedicó a escribir contra él na década de 1650. "De cutiu agudu y perceptivu, pero tamién prexuiciosu ya inxuriosu, la so condición de testigu presencial de los fechos y llectura amena y compulsiva llevó a demasiáu historiadores a consideralo axomáticu". Croft, páxs. 3–4. Otros influyentes historiadores contrarios a Xacobu mientres esti periodu fueron: Sir Edward Peyton, Divine Catastrophe of the Kingly Family of the House of Stuarts (1652); Arthur Wilson, History of Great Britain, Being the Life and Reign of King James I (1658); y Francis Osborne, Historical Memoirs of the Reigns of Queen Elizabeth and King James (1658). Vide Lindley, p. 44, pa más información sobre la influencia exercida polos historiadores de la Commonwealth y la tradición de retrotrayer los errores de Carlos I al reináu del so padre.
↑ Croft, p. 6; Smith, p. 238.
↑ Bucholz, p. 208. En Basilikon Doron, Xacobu citaba la sodomía ente los crímenes "qu'en conciencia nunca van poder perdonase". Sharpe, p 171; "El mesmu patrón de conducta de repitió con estos homes [Carr y Villiers] como enantes fuera'l casu con Esmé Estuardo. La evidencia suxer que dambos tuvieron una rellación física col so soberanu." Barroll y Ceresano (ed), p 239.
↑ Milling, p. 155.
↑ Demonoloxía, en forma de diálogu Archiváu 2007-09-26 en Wayback Machine; versión online na páxina web de la Biblioteca Folger Shakespeare (Washington D.C.)
↑ Un home bien sabiu dixo una vegada que se consideraba "el bobu más sabiu de la Cristiandá", pos entá considerándose un sabiu nes coses menudes, sabíase un bobu nos asuntos de pesu. Sir Anthony Weldon (1651), The Court and Character of King James I, citáu por: Stroud, p. 27; La etiqueta del "bobu más sabiu de la Cristiandá' atribúyese de cutiu a Enrique IV de Francia, pero posiblemente foi acuñada por Anthony Weldon, y recueye con precisión les paradóxiques cualidaes de Xacobu. Smith, p. 238.

[9708122009cc1c9563cf2a2d2f619784512e906d-1] «RKDartists» (neerlandés). Consultáu'l 15 setiembre 2022.

[e6596ed0d2b81634d4a2b94f1bd23a5d26a198cf-2] 2,0 ^2,1 ^2,2 Afirmao en: Kindred Britain.

[3913844e06e055e8cd81608f22bad0e604d89d2d-3] 3,0 ^3,1 ^3,2 ^3,3 ^3,4 ^3,5 Afirmao en: The Peerage. Llingua de la obra o nome: inglés. Autor: Darryl Lundy.

[4] James Charles Stuart; el nome James traduzse al asturianu como Xacobu, Xaime, Iago o Santiago. Nel casu de los reis d'Escocia ya Inglaterra que llevaron esi nome traduzse como Xacobu.

[5] Stewart, p. 47; Croft, p. 16; Willson, páxs. 29–31.

[6] Los derechos de Xacobu al tronu inglés, como bisnietu d'Enrique VII, yeren con mui superiores a los de cualesquier otru. Sicasí, por voluntá d'Enrique VIII dexárase de llau a la llinia escocesa de la so hermana Margarita en favor de la so hermana menor, María Tudor. Stewart, páxs. 159–161; Willson, páxs. 138–141.

[7] Tres la unión personal de los trés corones, Xacobu foi'l primeru en pretender titulase Rei de Gran Bretaña, atopándose cola oposición de los parllamentos d'Inglaterra y Escocia, que consideraben el títulu carente de tradición y base llegal. Croft, p. 67; Willson, páxs. 249–52.

[8] Pa un sumariu de les distintes interpretaciones que fixeron los historiadores de los reinaos de Xacobu n'Escocia ya Inglaterra, convien consultar la introducción de la obra King James, de Pauline Croft. Les investigaciones más recién punxeron énfasis nos ésitos de Xacobu n'Escocia, anque inclusive a esti respectu hai disconformes, como Michael Lynch. Tamién hai un enclín a valorar más los ésitos de Xacobu nos empiezos del so reináu n'Inglaterra. Croft, pp 1–9.

[9] Mientres los últimos trés sieglos, la reputación de Xacobu sufrió por causa de les acedes descripciones que d'él fixo Sir Anthony Weldon, al que Xacobu despidiera del so serviciu, que se dedicó a escribir contra él na década de 1650. "De cutiu agudu y perceptivu, pero tamién prexuiciosu ya inxuriosu, la so condición de testigu presencial de los fechos y llectura amena y compulsiva llevó a demasiáu historiadores a consideralo axomáticu". Croft, páxs. 3–4. Otros influyentes historiadores contrarios a Xacobu mientres esti periodu fueron: Sir Edward Peyton, Divine Catastrophe of the Kingly Family of the House of Stuarts (1652); Arthur Wilson, History of Great Britain, Being the Life and Reign of King James I (1658); y Francis Osborne, Historical Memoirs of the Reigns of Queen Elizabeth and King James (1658). Vide Lindley, p. 44, pa más información sobre la influencia exercida polos historiadores de la Commonwealth y la tradición de retrotrayer los errores de Carlos I al reináu del so padre.

[10] Croft, p. 6; Smith, p. 238.

[11] Bucholz, p. 208. En Basilikon Doron, Xacobu citaba la sodomía ente los crímenes "qu'en conciencia nunca van poder perdonase". Sharpe, p 171; "El mesmu patrón de conducta de repitió con estos homes [Carr y Villiers] como enantes fuera'l casu con Esmé Estuardo. La evidencia suxer que dambos tuvieron una rellación física col so soberanu." Barroll y Ceresano (ed), p 239.

[12] Milling, p. 155.

[13] Demonoloxía, en forma de diálogu Archiváu 2007-09-26 en Wayback Machine; versión online na páxina web de la Biblioteca Folger Shakespeare (Washington D.C.)

[14] Un home bien sabiu dixo una vegada que se consideraba "el bobu más sabiu de la Cristiandá", pos entá considerándose un sabiu nes coses menudes, sabíase un bobu nos asuntos de pesu. Sir Anthony Weldon (1651), The Court and Character of King James I, citáu por: Stroud, p. 27; La etiqueta del "bobu más sabiu de la Cristiandá' atribúyese de cutiu a Enrique IV de Francia, pero posiblemente foi acuñada por Anthony Weldon, y recueye con precisión les paradóxiques cualidaes de Xacobu. Smith, p. 238.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]